തെളിയിക്കപ്പെട്ടിട്ടില്ലാത്ത ഒരു വിശ്വാസം. ജനിതപരമായ കാരണങ്ങളാലാണ് പ്രധാനമായും കുഞ്ഞിന്റെ നിറം തീരുമാനിക്കപ്പെടുന്നത്. ഇതിനു പുറമെ ഹോർമോൺ, വിറ്റാമിനുകൾ, കോശങ്ങളിലുള്ള ചിലജൈവ ഘടകങ്ങൾ തുടങ്ങി പല ഘടകങ്ങളും ത്വക്കിന്റെ നിറത്തിന്നടിസ്ഥാനമാണു. പച്ചക്കറികളും പഴവർഗ്ഗങ്ങളും അടങ്ങിയ ഒരു സ്മീകൃതാഹാരം ഗർഭസ്ഥശിശുവിന്റെ ചർമ്മത്തിന്റേതടക്കമുള്ള പൊതുവായ ആരോഗ്യത്തിനു ഉത്തമം തന്നെ. അല്ലാതെ കുങ്കുമപൂ പാലിൽ ചേർത്ത് കഴിച്ചത് കൊണ്ട് മാത്രം നിർമ്മലമായ ചർമ്മകാന്തി ലഭ്യമാകുകയില്ല.
കുഞ്ഞിന്റെ ചർമ്മത്തിന്റെയും മുടിയുടെയും നിറം നിർണയിക്കപ്പെടുന്നത് മെലാനോസൈറ്റുകളാൽ നിർമ്മിക്കപ്പെടുന്ന മെലാനിൻ പോളിമെറുകൾ കെരാറ്റിനോസൈറ്റുകളിലേക്ക് സ്രവിക്കുമ്പോളാണ്. മെലാനോസൈറ്റുകളാണ് ചർമ്മത്തിന്റെ നിറം നിർണയിക്കുകയും അൾട്രാ വയലറ്റ് രശ്മികളിൽനിന്ന് ചർമ്മത്തെ സംരക്ഷിക്കുന്ന മെലാനിൻ നിർമ്മിക്കുകയും ചെയ്യുന്നത്.